AKTUALITET, 2 Dhjetor 2017, 15:30

Zbulohen pesë kërkesat e Xhelal Mziut për Ramën

Zbulohen pesë kërkesat e Xhelal Mziut për Ramën

Thuajse të gjithë u befasuan kur panë dje në mbrëmje kryeministrin Rama gjatë vizitës në zonën e përmbytur Valias dhe zona të tjera të Kamzës dhe Paskuqanit, të shoqëruar nga kryebashkiaku i Kamzës, Xhelal Mziu.

Por, Mziu, i cili është një ndër të paktit në vend që është në mandatin e tij të tretë si kryebashkiak, i parashtroi kreut të qeverisë kërkesat që kishte institucioni i bashkisë së një prej qyteteve më të mëdha në vend dhe i lidhur ngushtë me kryeqytetin.

Ja pesë kërkesat

  1. Dëmshpërblimin e rreth 400 familjeve të përmbytura në Kamëz që kanë pësuar dëme në shtëpitë e tyre, të konstatuara këto, nga grupet e punës së Shtabit të Emergjencave të Bashkisë Kamëz.
  2. Financim të kolektorëve; Valias i Ri, Valias i Vjetër.
  3. Financim i kolektorit Zall-Herr-Bathore-Frutikulturë.
  4. Pajisja me ekskavator, gjë që i ishte mohuar më parë nga ana e qeverisë.
  5. Pajisja e Kamzës me një stacion zjarrëfikseje duke qenë se nuk e ka.