TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas Kavajës dhe Lezhës, skandali me pronat me ç’duket do të zhvendoset në qytetin bregdetar të Vlorës. Sot ambasadorja e BE Romana Vlahutin ka zhvilluar një vizitë zyrtare në Vlorë dhe i ka kërkuar edhe ministres së Drejtësisë Etilda Gjonajt që ta shoqërojë,.
Vlahutin tha se qëllimi i këtij takimi, që nisi me një vizitë në zyrën e kryebashkiakut Dritan Leli, është pikërisht çështja e pronës.
“Kënaqësi e vecantë që ju kam sot në zyrën time, në zyrën që unë e quaj zyrën e qytetarëve të Vlorës. Ngelem mirënjohës për çdo mbështetje të deritanishme të qeverisë shqiptare, sigurisht edhe delagacionit Europian”, i tha Leli ambasadoren Vlahutin por kjo e fundit hyri direkt në temë.
“Është e mrekullushme të kthehem në Vlorë. Sot është e rëndësishme, arsyeja që kemi ardhur është për të parë disa projekte që do i shohim edhe nesër por sot do merrem me një çështje vërtet shumë lart në axhendën tonë; të drejtat e pronës.
Ideja është që sot do kemi një seri takimesh me një sërë institucionesh që lidhen me cështjen e pronës. Është një lloj misioni faktmbledhës, dukeqenë se ne si BE duam të angazhohemi për një zgjidhje të përshtatshme të një prej të drejtave themelore që është e drejta e pronës.
Do kemi një konferencë shtypi në orën 13:30”, u shpreh Vlahutin duke paralajmëruar një deklaratë nga ky qytet e ku mesa duket do kemi zhvillime të reja sa i takon çështjes së pronave.
“Pranova me kënaqësi ftesën e ambasadores Vlahutin për të qenë sot në Vlorë, është pikërisht çështja e pronës që na bashkon. Së fundmi janë zhvilluar një sërë veprimesh ligjore e administrative për çështjen e pronës. Edhe sot në takimet me këto institucione do nxjerrim e kuptojmë më shumë lidhur me këtë çështje. Siç e tha ambasadorja do dalim në deklaratë pak më vonë”, u shpreh ministrja e Drejtësisë Gjonaj nga zyra e Lelit.
