TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka disa sinjale të qarta që tregojnë se mardhënia e kryeministrit shqiptar me kancelaren gjermane, nuk është më ajo e fillim qeverisjes së rilindjes. Kush e mban mend atë kohë kujtohet se kundërshtarët më pa takt të Edi Ramës e paraqisinin atë si një zhigolo që po përpiqej të joshte gruan e fortë të Berlinit me mjete ekstrapolitike. Këshilltarët e Ramës tregonin me mburrje mesazhe që u vinin nga kabineti i kancelares, që tregonin se sa i lezeçëm kishte qenë kryeministi piktor dhe artist i Shqipërisë, në darkën e liderve ballkanikë. Humori, barcaletat me kohën e komunizmit (edhe Merkel e njeh atë mentalitet se vjen nga Lindja) fjalori i zgjedhur dhe aftësia pë ekzibicionizëm e patën bërë Ramën që të binte në sy.
Në vitet 2013 -2015 kur filloi edhe procesi i Berlinit nuk qe më një sekret se Edi Rama dhe Aleksandar Vuçiç ishin të preferuarit e kancelares gjermane.
Megjithë ndonjë trronditje të vokël që i vinte nga deputetët e krahut konservator të partisë së saj (ata që bojkotuan darkën e Ramës në Berlin kur shkoi të lobonte për negociatat) deri pak kohë më parë Gjermania e mbajti mbështetjen për Shqipërinë. Ishte vetë Merkel që në samitin e Luksemburgut iu kundërvu Francës dhe Holandës që as e mendonin hapjen e negociatave me Shqipërinë. Ajo gati vuri veton duke gjetur një rrugë të mesme që edhe negociatat të mos hapeshin menjëherë sipas rekomandimit të Komisionit Europian, por që edhe qeverisë Rama mos i jepej një shuplakë. Kështu u shpik data e dhjetorit 2019.
Përpos kompromisit brenda vetë shteteve europiane e më tepër akoma, midis shteteve dhe Komisionit në Bruksel, kjo datë shërbeu që edhe qeverisja Rama të mos turpërohej. Asaj iu dha bonusi që në politikën e brendëshme të thërriste: “Fitore, negociatat i hapëm”.
Por, pikërisht atë bonus që Merkel i dha Tiranës tre muaj më pare, po i’a tërheq sot. Ministri i jashtëm i Merkel, Heiko Maas , deklaroi para dy ditësh se hapja e negociatave në fund të 2019 nuk është automatike (lexo ketu poshte), duke hedhur poshtë gjithë propagandën zhurmuese që ishte zhvilluar ne Tiranë.
Ministri gjerman nxjerr pas tre muajsh në Tiranë gënjeshtrën e Ramës
Po pse u bë ky kapërcim, cilët qenë faktorët që e shpërfaqën në publik këtë thyerje.
Natyrisht ato kanë të bëjnë me një qëndrim shumë më eksigjent ndaj korrupsionit, kriminalizimit, trafiqeve dhe ndershmërisë së zgjedhjeve që një pjesë e deputetëve të koalicionit CDU-CSU kanë në krhasim me qeverinë gjermane. Ata përbëjnë një bërthamë shumë të fortë që ndikon në politikat e kësaj qeverie.
E dyta vjen nga përgjimet që shërbimet sekrete gjermane kanë zhvilluar në Shqipëri dhe ku rrezultojnë hierarkë me zë të qeverisjes të lidhur me krimin.
Por pika që me sa duket i ka vënë kapakun gjithçkaje është devijimi i Edi Ramës nga politikat që mbështet Merkeli. Ajo është shprehur hapur për mosndryshimin e kufijve të Kosovës ndërkohë që qeveria e saj ka djeni të plotë të faktit se Rama është mbrapa marrëveshjes Thaçi -Vuçiç madje ka një projekt edhe më ambicioz: Bashkimin e Shqipërisë me pjesën e mbetur nga Kosova pas ndarjes.
