TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shqipëria është ndarë në një barazim 0-0 në takimin miqësor me Jordaninë të zhvilluar në “Elbasan Arena”. Skuadra e Kristian Panuçit nuk ka mundur që të gjejë rrugine rrjetës, edhe pse duhet të thuhet se takimi u dominua nga kuqezinjtë, teksa jordanezët u panë të qeshur pas përfundimit të takimit, aq sa të dukej se ishin ata që e kishin fituar ndeshjen.
Një ndeshje që kishte një formacion eksperimental, kjo për faktin se në fushë zbritën ata futbollistë që kishin pasur më pak hapësira në sfidat e fundit apo u kishte munguar grumbullimi muajin e kaluar. Tekniku italian siç duket po tentonte ata futbollistë që mund të jenë të dobishëm në sfidën e fundjavës me Izraelin.
Fitorja mungoi, por kuqezinjtë krijuan jo pak raste, teksa kishin disa raste për shënim. Sfida nisi me një zëvendësim të detyruar, me Mihajn që la fushën e lojës pa u mbushur 10 minuta. Grezda shpërdoroi dy raste në pak sekonda, por kishte pretendime dhe për një 11-metërsh, i cili kishte vend për diskutim. Edhe miqtë provuan në disa raste, por nuk është se e vunë vërtetë në vështirësi portierin Berisha.
Në pjesën e dytë Panuçi kreu dhe pesë zëvendësime të tjera, por rezultati sërish nuk ndryshoi, pavarësisht ngacmimeve të Balajt. Më shumë golit iu afrua Uzuni, i cili pa që shtylla t'i mohonte golin në debutim. Tani e gjithë vëmendja është tek takimi me Izraelin.
Një fitore më shumë do të vlente për anën morale, megjithatë loja e zhvilluar sot jep besim se pas pak ditësh mund të marrim një rezultat pozitiv si një vit më parë në Izrael.
Miqësore, e mërkurë, 20:00
Stadiumi “Elbasan Arena”
Shqipëri 0-0 Jordani
