Skandal në futbollin belg, shumë të arrestuar, mes tyre edhe trajneri i Brugge

Një rast “calciopoli” shpërthen në Belgjikë. Në fakt, janë kryer një sërë hetimesh në vend lidhur me disa prej klubeve që i përkasin Jupiler Pro League, Superliga belge. Mes tyre janë edhe Genk, Anderlecht, Brugge dhe Standard Liege. Pra, pritet një lloj “calciopoli” si në kampionatin elitar italian para disa vitesh, me Prokurorinë belge që po heton krime të ndryshme si pastrimi i parave dhe korrupsioni. Me kërkesë të gjyqtarit hetues, njofton Prokuroria Federale janë kryer 13 hetime jashtë Belgjikës (mes vendeve të përfshira Franca, Luksemburgu, Qiproja, Mali i Zi, Serbia dhe Maqedonia). Prokurorët kanë hetuar për më shumë se një vit transaksione financiare të dyshimta të kryera nga agjentët e lojtarëve, që duket se kanë cënuar rregullsinë e ndeshjeve të sezonit 2017/2018.

Welke clubs kregen bezoek van gerecht?

KRC Genk ✅
Club Brugge ✅
Anderlecht ✅
Antwerp ❌
Standard ✅
STVV ❌
KAA Gent ✅
KV Oostende ✅
Cercle Brugge ❌
Charleroi ❌
KV Kortrijk ✅
KAS Eupen ❌
Waasland-Beveren ❌
KSC Lokeren ✅
Zulte Waregem ❌
Excel Moeskroen ❌

— Gert Gysen (@gertgysen) October 10, 2018

Sipas burimeve të afërta me hetimin, një nga figurat e futbollit që u arrestua të mërkurën është trajneri kroat i Brugge Ivan Leko, i cili u ndalua ndërsa ishte në shtëpi. Pra konfirmohen thashethemet e mediave belge, për një hetim ku janë përfshirë shumë ekipe të Pro League. Presidenti i klubit Bart Verhaeghe tha: “Ne nuk kemi asgjë për të fshehur, kemi kontrolluar kontratat dhe faturat dhe do të dalë se gjithçka do të jetë e pastër dhe e rregullt”. Ndërmjetësit Dejan Veljkoviç dhe Mogi Bayat, të arrestuar gjithashtu, janë në qendër të këtij operacioni të quajtur “Duar të pastra”. Një rast shqetësues për imazhin e futbollit belg”. Kështu KBVB, Federata Belge, komentoi mbi hetimin që tronditi të mërkurën në mëngjes: “Ne po presim rezultatet e hetimeve dhe marrjes në pyetje” – ka  thënë zëdhënësi Pierre Cornez, në mbështetje të CEO të kampionatit Pierre François. Sipas raporteve të gazetarit belg Gert Gysen për mediat sociale, shoqëritë që do të paraqiten në gjykatë janë Genk, Brugge, Anderlecht, Standard Liege, Gent, Oostende, Kortrijk, Lokeren dhe Mechelen (kjo e fundit luan në serinë e dytë).