TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas skandalit me kompaninë DH Albania, e cila fitoi dy tender me dokumenta të falsifikuara, është shkarkuar drejtori i ARRSH-së, Afrim Qendro.
Ditën e djeshme, edhe drejtori i OST-së, Klodian Gradeci dha dorëheqjen nga detyra.
Largimi i të dy drejtorëve, vjen pas skandalit me kompaninë fantazmë "DH Albania". Skandali u denoncua në emisionin "Të Paekspozuarit" në 6 Dhjetor, ku u shfaqën prova se si kompania kishte falsifikuar një letër nga Sekretari i Shtetit të Delaware, aktin e themelimit të kompanisë dhe bilancet.
Prokuoria në Shqipëri po heton lidhur me falsifikimin e dokumentave dhe shkeljen e barazisë në tendera. Por, ky falsifikim po hetohet edhe në Shtetet e Bashkuara të Amerikës.
Burime për News24, bëjnë me dije se në vend të Qendros, do të emërohet Sonila Qato, ish ministre për mbrojtjen e sipërmarrjes.
Ditën e djeshme, u anulua gjithashtu edhe koncesioni i rrugës Thumanë- Kashar, i cili ishte fituar nga kompania Gener 2, e Bashkim Ulajt. Zëri i Amerikës dhe një investigim i BIRN, sugjerojnë se pas kompanisë DH Albania, fshihet biznesmeni Bashkim Ulaj.
/TPZ.AL/
LEXO EDHE:
http://www.tpz.al/2018/12/06/ekskluzive-zbulohet-skandali-kompania-qe-fitoi-tenderin-e-unazes-se-re-falsifikoi-letren-e-sekretarit-te-shtetit-te-delaware-te-shba-se/
http://www.tpz.al/2018/12/17/dokumenti-dhe-njerezit-pas-dh-albania-nxjerrin-zbuluar-kompanine-e-bashkim-ulajt/
