TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Arsenali ka filluar vitin 2019 në mënyrën më të mirë të mundshme, duke regjistruar një fitore bindëse dhe duke bërë të harrohet paksa disfata e rëndë e pësuar pak ditë më parë përballë Liverpulit. Skuadra e Unai Emeri mundi 4-1 Fullhemin, edhe pse në fakt iu desh të mbyllte ndeshjen në minutat e fundit me Ramsei e Obamejang.
Avantazhi i “topçinjve” erdhi falë Granit Xhakës, i cili shënoi golin e parë të vitit për skuadrën e tij pas një aksioni perfekt dhe një asisti të shkëlqyer të Iuobi. Goli i dytë erdh vetëm në fillimin e pjesës së dytë me Lakazet, por ndeshja u rihap pak minuta me vonë kur Kamara shkurtoi shifrat për miqtë.
Megjithatë, Ramsei e Obamejang vulosën gjithçka me dy gola të shënuar në minutat 79 dhe 83, për të mbyllur çdo diskutim rreth fatit të kësaj sfide e afruar Arsenalin me vendin e katërt.
