TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nuk ka mëdyshje, se opozitës do t’i duhet të shkojë në zgjedhje me këtë Kod Zgjedhor që ka përgatitur Edi Rama. Kodi i ri Zgjedhor i Republikës së Shqipërisë është botuar sot në Fletoren Zyrtare. Tashmë, edhe sikur Komisioni i Venecias ta rrëzojë këtë ligj të njëanshëm, nuk do të sjellë ndonjë ndryshim në procesin zgjedhor për votimet e 25 prillit.
Ndryshimet në Kodin Zgjedhor u miratuan, pasi u rrëzua me 97 vota në Parlament dekreti i Presidentit Ilir Meta ku kërkonte rishqyrtim të ndryshimeve.
“Mendimi i Venecias është gjithnjë i mirëseardhur, por për një ligj të votuar dhe të refuzuar nga presidenti, procedura është e qartë: Refuzimi i presidentit pranohet ose rrëzohet nga parlamenti! Parlamenti do të rishprehet pa humbur asnjë ditë!”, ka deklaruar Rama para votimit kundër dekretit.
Presidenti Meta u mbështet edhe nga Komisioni Evropian dhe nga grupi i PPE në Parlamentin Evropian. Ata i bënë thirrje kryeministrit të mos i miratojë ndryshimet në Kodin Zgjedhor, por gjithçka rezultoi e kotë.
Çmimi i këtij i kodi i Zgjedhor është shumë i lartë për Shqipërinë, pasi, BE ka bllokuar në fakt hapjen e negociatave. Holanda e deklaroi dje qëndrimin Jo ndaj Shqipërisë.
/TPZ.al/
