TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kremlini hodhi poshtë sot deklaratat e presidentit francez, Emmanuel Macron, i cili kishte akuzuar homologun e tij rus, Vladimir Putin se po kërkon të shpërbëjë Bashkimin Europian.
Gjatë një intervistë për kanalin televiziv publik suedez SVT, Macron kishte deklaruar se respekton Vladimir Putinin, por ëndrra e tij është një çmontim i Bashkimit Europian. Zëdhënësi i Kremlinit, Dimitri Peskov u shpreh sot para gazetarëve se: "Kreu rus në të kundërt, kërkon të përforcojë lidhjet me vendet anëtare të BE-së dhe shpreson në mirëqenien dhe stabilitetin për hapësirën europiane. Për sa i përket respektit, ndjenjat e presidentit janë reciproke kundrejt Emmanuel Macron. Ai ka vendosur marrëdhënie pune konstruktive dhe marrëdhënie të mira personale. Për sa i përket sjelljes kundrejt BE-së, duhet të konstatojmë fatkeqësisht se nuk është me iniciativën e Rusisë që këto marrëdhënie janë në një gjendje kaq të ngrirë".
Rusia është goditur që prej vitit 2014 nga sanksione të ashpra europiane dhe amerikane për shkak të rolit të saj të dyshuar në konfliktin ukrainas.
