TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Porti i Vlorës që nga ky sezon veror do të ofrojë shërbime më të shpejta dhe në kushte shumë më të mira për të gjithë udhëtarët.”
Ky ishte premtimi i ministres së Infrastrukturës dhe Energjisë Belinda Ballukut, e cila shkoi për ta inspektuar pas përfundimit të punimeve në maj të këtij viti.
Edhe për rindërtimin e tij janë shpenzuar 212 milionë lekë të reja, sërish në port ka dyndje njerëzish dhe radhë të papërballueshme nga sportelet.
Pavarësisht shërbimeve, çmimi i biletave është rritur me 10 euro më shumë edhe pse në dispozicion të qytetarëve janë vetëm dy tragete të vjetër.
Kjo shënon një tjetër premtim të pambajtur nga ish-ministri Damian Gjiknuri, kryeministri Edi Rama dhe ministrja aktuale, të cilët me radhë janë zotuar për infrastrukturë të re.
Porti i Vlorës është përcaktuar si porti kryesor për nisjen e anijeve turistike me destinacion Gadishullin e Karaburunit dhe ishullin e Sazanit.
