SPORT, 11 Korrik 2018, 19:55

Pogba ia dedikon fitoren fëmijëve tajlandezë: “Ju jeni heronjtë e vërtetë”

Pogba ia dedikon fitoren fëmijëve tajlandezë: “Ju jeni
“Kjo fitore i dedikohet heronjve të ditës, bravo djema, jeni shumë të të fortë!” Ky ka qenë mesazhi i postuar në Twitter nga Paul Pogba pas fitores 1-0 të Francës së tij ndaj Belgjikës, rivales në gjysmëfinale të “Rusi 2018”. Këto fjalë ylli i Manchester United ia ka dedikuar 12 futbollistëve të vegjël tajlandezë të cilët së bashku me trajnerin e tyre u nxorrën shëndoshë e mirë nga shpella ku kishin mbetur të ngujuar për rreth dy javë. “Ky mesazh i drejtohet atyre – ka shtuar mesfushori i Bluve – Ekziston futbolli për 90 minuta, pastaj është jeta normale. Jetojmë ëndrrën tonë, por nuk duhet të harrojmë njerëzit që janë jashtë fushës dhe jetën reale”.