TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pedagogu dhe aktivisti, Arlind Qori, ka qenë i ftuar në emisionin "Në fokus" në "Tv T", ku ka folur për efektet e pandemisë tek shtresat më të margjinalizuara të shoqërisë.
Qori tha se punëtorët janë më të pambrojtur se kurrë në këtë rast, pasi rrezikojnë jetën në vendin e punës dhe u është hequr e drejta për të protestuar.
Sipas tij, shtyrja e gjendjes së fatkeqësisë natyrore, reflekton panikun ku është gjendur qeveria, por edhe nevojën për të shtyrë në kohë një përplasje të mundshme sociale, mes të pasurve dhe të varfërve.
"Arsyeja e parë përse po shtyjnë kaq shumë gjendjen e jashtëzakonshme, është sepse janë komplet të pa sigurtë, nuk e dinë çfarë do të ndodhë, thonë më mirë të marrim masa ekstreme për të qenë brenda.
Arsyeja e dytë, mendoj se këta duan ta shtyjnë sa më shumë në kohë, plasjen e tenxheres me presion. Rritja e papunësisë, varfërimi në masë i njerëzve, thellimi i pabarazisë, do të çojë patjetër në ashpërsim të marrëdhënieve shoqërore, të kontradiktave midis klasave shoqërore, midis të pasurve dhe të varfërve. Në këtë kuptim, duke shtyrë kufijtë e gjendjes së fatkeqësisë natyre, këta duan ta mbajnë situatën pezull, të mos ketë demonstrata në rrugë, të mos ketë greva, bllokime dhe gjëra të kësaj natyre", tha Qori.
VIDEO:
Qori tha se krizën e shkaktuar nga pandemia nuk do ta vuajnë të gjithë njëlloj dhe se oligarkët do të përfitojnë, duke gllabëruar bizneset e vogla dhe të mesme.
“Nuk po e vuajnë të gjithë krizën njëlloj. Oligarkët janë karantinuar në vilat e tyre luksoze. Nisen nga Tirana, ndoshta edhe të infektuar dhe rrezikojnë të tjerët. Klasa e mesme, si ti apo unë që jam pedagog, kemi mundësinë të punojnë nga shtëpia. Kategoria e tretë janë punëtorët. E katërta janë të papunët. Nuk po mbështeten nga qeveria, ata po rrezikojnë jetën. Në kushtet kur janë ndërprerë lidhjet shoqërore, ata rrezikojnë urinë”, tha ai.
VIDEO:
/TPZ.al/
