TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Florjan Vuka, i njohur edhe me mbiemrin Vathaj, është ekstraduar nga Greqia drejt Shqipërisë, pasi ishte shpallur në kërkim nga Prokuroria e Posaçme (SPAK).
Vuka dyshohet se është pjesë e një grupi kriminal të drejtuar nga Jetmir Pepa, i hetuar për përfshirje në trafik ndërkombëtar të lëndëve narkotike.
Pas ekstradimit, Vuka pritet të dalë përpara Gjykatës së Posaçme, e cila do të vlerësojë kushtet e masës së sigurisë ndaj tij.
Grupi kriminal, i cili vepronte në Amerikën Latine, Belgjikë dhe Holandë dhe që në të paktën 8 episode përgjatë viteve 2019-2021 ka trafikuar sasi të mëdha kokaine, është ende duke u hetuar nga prokurori Alfred Shehu.
Sipas Prokurorisë së Posaçme, anëtarët e këtij grupi kanë trafikuar në disa episode rreth 7.5 tonë kokainë nga Amerika Latine në Europë.
Vuka pritet të dalë përpara Gjykatës së Posaçme për vlerësimin e kushteve të masës së sigurisë.
Përmes shortit elektronik, gjyqtare e çështjes është caktuar Alma Kodraliu. Ajo do të vendosë nëse ndaj Vukës do të vijojë masa e sigurisë “arrest në burg”, e caktuar më herët në mungesë, apo nëse do të caktohet një masë tjetër më e lehtë.
