AKTUALITET, 13 Tetor 2018, 15:45

“Nëse do mbanim 1 minutë heshtje për punëtorët që kanë gjetur vdekjen, do luanim në qetësi totale…”

“Nëse do mbanim 1 minutë heshtje për punëtorët
Një shqetësim i madh për shumë vende të FIFA-s, është Botërori që do të zhvillohet në vitin 2022 në Katar. Përveç faktit që do të zhvillohet në një periudhë të pazakontë, nëntor-dhjetor, probleme janë shfaqur edhe në këtë periudhë, që vendi i Lindjes së Mesme po ndërton stadiumet që do të presin ndeshjet e Botërorit.

Përveçse ka shumë punëtorë që vijnë nga vendet përreth, e punojnë në kushte mizore, shpesh është raportuar për shumë të vdekur, prej pasigurisë në punë. Së fundmi, këtë shqetësim e ka ngritur edhe kryetari i Konfederatës norvegjeze të Sindikatave të Tregtisë, Hans Kristian Gabrielsen.

“Nëse do të mbanim një minutë heshtje për të gjithë punëtorët emigrantë që kanë gjetur vdekjen gjatë ndërtimit të stadiumeve për Kupën e Botës në Katar, 44 ndeshjet e para të këtij turneu do luheshin në qetësi totale” – mësohet të jetë shprehur Gabrielsen.