TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
NASA ka ftuar Indinë t’i bashkohet programit ambicioz për krijimin e një baze në Hënë, njoftoi të martën ambasadori amerikan në Nju Delhi, Sergio Gor.
Ftesa për Organizatën Indiane të Kërkimit Hapësinor (ISRO) synon të thellojë bashkëpunimin hapësinor mes SHBA-së dhe Indisë. Njoftimi u bë pas takimit të grupit të përbashkët të punës për hapësirën civile Indi-SHBA, të zhvilluar më 5 dhe 6 gusht në Bengaluru.
Sipas Ambasadës së SHBA-së, të dyja palët diskutuan zgjerimin e bashkëpunimit në hapësirë, si dhe projekte të ardhshme në shkencë dhe teknologjinë e fluturimeve hapësinore me njerëz.
NASA e përshkruan bazën hënore si “stacionin e parë hënor të njerëzimit”, ku astronautët do të jetojnë, punojnë dhe eksplorojnë pranë Polit të Jugut të Hënës.
Përmes misioneve me dhe pa ekuipazh, NASA dhe partnerët e saj synojnë të ndërtojnë infrastrukturën për një prani të qëndrueshme njerëzore në Hënë dhe të hedhin bazat për eksplorimin e ardhshëm të hapësirës së thellë.
