TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Brooklyn Beckham dhe Nicola Peltz kanë marrë një vendim të veçantë lidhur me përvjetorin e martesës së tyre, duke zgjedhur të mos festojnë më datën e ceremonisë së parë, por atë të rinovimit të betimeve të tyre.
Sipas burimeve pranë çiftit, data e dasmës së tyre në prill 2022 lidhet me kujtime jo të këndshme për ta, ndërsa ceremonia private e rinovimit të betimeve në gusht 2025 konsiderohet tashmë si fillimi i një kapitulli të ri në marrëdhënien e tyre.
Brooklyn Beckham dhe Nicola Peltz u martuan në një ceremoni tre-ditore në pronën e familjes Peltz në Palm Beach, në prani të rreth 500 të ftuarve, mes të cilëve edhe familja Beckham.
Megjithatë, sipas mediave britanike, veçanërisht The Sun, çifti nuk e ka përjetuar me të njëjtin entuziazëm atë ditë. Një burim tha se ceremonia e parë ishte shoqëruar me tensione dhe emocione negative, duke përfshirë momentin kur Nicola thuhet se kishte përfunduar duke qarë.
“Dasma e parë nuk është një kujtim që ata duan ta rikthejnë. Për ta, ajo ditë nuk përfaqëson atë që ndjejnë sot”, ka deklaruar burimi.
Në gusht të vitit 2025, çifti vendosi të rinovonte betimet në një ceremoni private, ku nuk morën pjesë anëtarë të familjes së Brooklyn. Sipas të njëjtave burime, kjo ngjarje u shoqërua me kujtime shumë më pozitive dhe tani do të konsiderohet si përvjetori i tyre “zyrtar”.
Brooklyn dhe Nicola nuk publikuan mesazhe për përvjetorin e martesës së parë në prill, por në përvjetorin e rinovimit të betimeve ndanë deklarata dashurie në rrjetet sociale.
“Gëzuar përvjetorin Nicola. Nuk mund ta përshkruaj sa shumë të dua. Je shoqja ime më e mirë dhe jam shumë me fat që të quaj gruan time”, shkroi Brooklyn Beckham.
Ndërsa Nicola Peltz publikoi një mesazh ku shkruante: “Gëzuar përvjetorin dashuria ime. Ti e bën jetën kaq të bukur. Faleminderit që je burri më i mrekullueshëm që mund të ëndërroja”.
Vendimi i çiftit vjen disa muaj pasi Brooklyn kishte treguar se rinovimi i betimeve ishte bërë për të krijuar “kujtime të reja që sjellin gëzim dhe lumturi”. Ai kishte lënë të kuptohej gjithashtu se martesa e tyre e parë ishte ndikuar nga tensionet familjare, duke përmendur edhe një konflikt të mëparshëm me nënën e tij, Victoria Beckham, lidhur me vallëzimin e parë të çiftit.
