Moto GP/ Marquez kampion bote, në Buriram festë e dyfishtë, fitore e titull

---

“Duam gjithçka”. Marc Marquez nuk gabon e në Thailandë merr gjithçka, ashtu si premtoi: fitore e Botëror, i teti për të, duke lënë pas në finish Fabio Quartararo e Maverick Viñales. Kanibali Marquez nuk bën ulje në përgjithësi, imagjino në ditën e tij të lavdisë. Spanjolli nuk humbi kohë, shfrytëzoi menjëherë shansin për titullin e në Thailandë rrëmbeu kurorën botërore. Titulli i tetë në moshën 26 vjeçare, për një palmares të mbushur me prestigj e triumfe, që është e destinuar të vazhdojë të pasurohet.

1, 2, 3, 4, 5, 6, 7... ?@Marcmarquez93, @MotoGP World Champion ? Congratulations! pic.twitter.com/wuuSgHBRZJ

— FC Barcelona (@FCBarcelona) October 6, 2019

Përpara tij vetëm Giacomo Agostini (15 tituj), Angel Nieto (13), Mike Hailëood, Valentino Rossi e Carlo Ubbiali (9): të paharrueshmit drejt të cilëve Marc ka mundësinë më të mirë për ti ndryshuar hierarkitë. Në Buriram, Marc nuk bëri asgjë me llogari, por i dha jetë një gare me karakter. I mjaftonin vetëm dy pikë më shumë se Dovizioso: misioni i përmbushur. Por Marquez nuk bëri kompromise e për një pjesë të mirë të garës iu qep Quartararo, në distancë sigurie, duke i studiuar linjat e performancën për të kryer pastaj sulmin final. Shkëputja e tij në xhiron e fundit nuk pranon kundërshti. Podiumin e mbylli Viñales, ndërsa Dovizioso është shumë larg: i katërti 4°, 11″ e asnjëherë në lojë për të marrë podiumin numër 100°.