TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ambasadori i Kosovës në Shqipëri, Nait Hasani, do të nisë sot punën si përfaqësuesi diplomatik i Kosovës në vendin tonë.
Diplomati Hasani u prit në Presidencë nga kreu i shtetit Ilir Meta, ku i paraqiti letrat kredenciale.
Gjatë takimit dypalësh, presidenti Meta garantoi mbështetjen për liberalizimin e vizave të Kosovës.
Njoftimi i plotë i Presidencës:
Presidenti i Republikës, Sh.T.Z. Ilir Meta priti sot në një takim Ambasadorin e ri të Republikës së Kosovës në Shqipëri, Sh.T.Z. Nait Hasani, me rastin e paraqitjes së Letrave Kredenciale.
Pasi e uroi për marrjen e detyrës, Presidenti Meta e siguroi Ambasadorin Hasani për mbështetjen e plotë në kryerjen me sukses të misionit të tij në Tiranë.
Kreu i Shtetit vlerësoi procesin e zgjedhjeve të parakohshme parlamentare të 6 tetorit 2019, si tregues i maturisë politike, demokratike e institucionale të Kosovës.
Presidenti u shpreh se marrëdhëniet dypalëshe mes Shqipërisë dhe Kosovës janë të shkëlqyera dhe vlerësoi se bashkëpunimi midis dy vendeve është stabilizues për rajonin dhe motivues për perspektivën euroatlantike.
“Liberalizimi i vizave për qytetarët e Kosovës është i domosdoshëm dhe duhet të realizohet sa më parë”, theksoi Presidenti Meta.
