TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Drejtoria e Përgjithshme e Doganave vijon të shënojë rezultate pozitive në mbledhjen e të ardhurave, me një rritje të ndjeshme gjatë muajit gusht 2026.
Sipas të dhënave të publikuara, të ardhurat doganore gjatë gushtit arritën në 22.8 miliardë lekë, duke shënuar një rritje prej rreth 1.7 miliardë lekësh krahasuar me të njëjtin muaj të vitit 2025. Në vlerë, kjo rritje përkthehet në rreth 18 milionë euro më shumë.
Një nga treguesit më të rëndësishëm të këtij muaji është rekordi historik i regjistruar në zhdoganimin e karburantit. Në gusht, konsumi mujor i karburantit kaloi 80 mijë tonë, duke dhënë një kontribut të rëndësishëm në rritjen e të ardhurave doganore.
Performanca pozitive është mbështetur nga disa prej zërave kryesorë të të ardhurave.
Akciza neto u rrit me 502 milionë lekë, ku ndikimin kryesor e dhanë karburantet me 264 milionë lekë dhe cigaret me 187 milionë lekë.
Ndërkohë, TVSH-ja në import shënoi një rritje prej 1.1 miliardë lekësh. Kontributin më të madh në këtë rritje e dhanë karburantet e importit me 741 milionë lekë, produktet e tjera me 161 milionë lekë dhe autoveturat e përdorura me 146 milionë lekë.
Edhe taksat doganore shënuan rritje, me 85 milionë lekë më shumë. Ky rezultat është ndikuar, ndër të tjera, nga rritja e importeve të veshjeve, mishit dhe konstruksioneve metalike.
Në të njëjtën kohë, renta minerare u rrit me 8 milionë lekë, kryesisht si pasojë e rritjes së sasive të eksportit të mineraleve të tjera.
Të dhënat e gushtit tregojnë kështu një performancë pozitive të të ardhurave doganore, me kontribut të veçantë nga importet e karburanteve dhe konsumi i tyre, i cili këtë muaj kaloi nivelin rekord prej 80 mijë tonësh.
