TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dhjetra banorë të fshatrave Zall-Gjoçaj, Gjoçaj dhe Dukagjin në Njësinë Administrative Derjan në Bashkinë e Matit protestuan kundër ndërtimit të një hidrocentrali në lumin e tyre. Banorët u mblodhën në sheshin “Ahmet Zogu” para Bashkisë Mat, ku kërkuan ndërprerjen e punimeve për ndërtimin e HEC-it, i cili sipas tyre do të dëmtonte gjithë zonën.
Banorët u shprehën se, me futjen e lumit në tubacione, jo vetëm që do të shkatërrohej ekosistemi, por nuk do të kenë më ujë as për ta e as për kafshët. Banorët i bënë thirrje Ministres së Infrastrukturës dhe Energjisë, Belinda Balluku që të anullojë lejen e dhënë për ndërtimin e HEC-it:
Në mbështetje të banorëve të këtyre fshatrave ishte edhe ambjentalisti Sazan Guri. Ai tha se devijimi i rrjedhave të lumenjve apo përrenjëve nuk ndodh në asnjë vend e për këtë duhet ndaluar. Guri shprehu mbështetjen e tij ndaj banorëve që nëse do të jetë nevoja, çështjen ta çojnë edhe në gjykatë:
Fshati Zall-Gjoçaj është pjesë e parkut Kombëtar me të njëjtin emër, me një sipërfaqe prej 140 hektarësh i shpallur që në vitin 1996. Muajt e fundit ai i është bashkangjitur Parkut Kombëtar të Lurës.
