LIFESTYLE, 3 Tetor 2022, 14:21

Pse filmi i Marilyn Monroe është i "dhunshëm" për publikun?

Pse filmi i Marilyn Monroe është i "dhunshëm" për

Fansat e filmave biografikë të Marilyn Monroe dhe të njerëzve të suksesshëm që pushtuan botën në një mënyrë apo tjetër, padyshim që e prisnin me padurim filmin “Blonde”, i cili shfaqet nga data 28/9 në Netflix dhe flet për jetën e yllit të njohur.

Prej disa kohësh dihet se filmi konsiderohej i papërshtatshëm për të mitur, pasi disa nga skenat e tij konsideroheshin shumë të ashpra dhe përfshinin dhunë dhe lakuriqësi.

Filmi, i cili fitoi lehtësisht një vend në top 3 të platformës, nuk është një biografi e saktë e aktores, por një paraqitje e shkurtër e jetës së saj, përmes ngjarjeve që ajo përjetoi.

Në qendër të filmit është abuzimi, fizik, mendor dhe seksual, që ajo pësoi, sëmundja e saj mendore dhe asgjë që ne shohim nuk i ngjan dritave të ndezura të skenës, bukurisë dhe klasit që ndjekin figurën e saj legjendare.