TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mjekët paralajmërojnë se suplementet duhet të merren vetëm nëse ekziston një mungesë e diagnostikuar e ndonjë vitamine apo minerali, në doza të përshtatura dhe nën kujdesin e specialistëve. Kombinimet e gabuara mund të neutralizojnë efektet e njëri-tjetrit ose madje të shkaktojnë mungesa të reja ushqyese.
Një shembull i zakonshëm është konsumimi i kafesë së bashku me suplementet e hekurit, i cili ul ndjeshëm përthithjen. Sipas kirurgut Dr. Karan Rajan, sasi të mëdha të kalciumit — nga ushqimi ose suplementet — mund të ndërhyjnë në përthithjen e hekurit. Edhe kombinime të tjera të suplementeve mund të shkaktojnë probleme të ngjashme.
1. Kalcium + Hekur
Ekspertët janë të një mendimi: kurrë mos i merrni së bashku. Duhet një interval prej të paktën 2 orësh mes tyre. Mayo Clinic sugjeron gjithashtu që kalciumi të mos shoqërohet me ushqime të pasura me hekur. Ndërkohë, hekuri përthithet më mirë në praninë e vitaminës C.
2. Zink + Kalcium
Kur merren në të njëjtën kohë, këto minerale “konkurojnë” për përthithje në zorrë, duke ulur efektin e të dyve. Dr. Rajan rekomandon po ashtu një interval prej 2 orësh mes marrjes së tyre.
3. Zink + Hekur
Dozat e hekurit mbi 25 mg mund të ulin përthithjen e zinkut. Nëse përdoret hekur në sasi të larta, zinku duhet marrë pas disa orësh për të shmangur ndërveprimin.
