TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Aktori i njohur i Hollivudit dhe aq i dashur për publikun, Bruce Willis, po kalon momente të vështira të jetës me sëmundjen e rëndë që e ka prekur dhe që i rrezikon jetën me kalimin e ditëve.
Tani, familja e tij ka vendosur që ta dhuronte trurin e tij për qëllime shkencore, që të kontribuonte në kërkimin mbi sëmundjen që e prekte.
Gruaja e tij, Emma Heming Willis, e zbuloi vendimin në librin e saj “Udhëtimi i papritur”.
Siç shpjegon ajo, donacioni do t’u lejojë shkencëtarëve të studiojnë ndryshimet e mundshme në tru, të tilla si ndryshimet strukturore, mutacionet ose variacionet e proteinave, të cilat mund të çojnë në trajtime të reja.
Kjo iniciativë përfshin të gjithë familjen, me Emmën, dy vajzat e tyre të mitura, si dhe ish-gruan e Willis, aktorja e njohur Demi Moore, së bashku me vajzat e tyre të rritura.
Qëllimi është që një përvojë e vështirë personale të shndërrohet në një ndikim pozitiv në shkencë.
Në një intervistë, Emma foli për bisedën që kishte pasur me vajzat e saj, Mabel dhe Evelyn, rreth demencës së babait të tyre:
“Nuk kemi arritur ende atje. Vajzat e dinë për sëmundjen. Nëse më pyesin, do t’u përgjigjem, por jemi të përqendruar te sot”.
Aktorja pranon se të menduarit për të ardhmen shkakton ankth:
“Kur do të vijë goditja tjetër? Por e di që kurdo që të vijë, ne do të jemi të përgatitur.”
Pavarësisht përgatitjes, ai thekson se kjo nuk e bën procesin më pak të dhimbshëm:
“Për momentin, jemi të qëndrueshëm”.
