TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Elon Musk ka siguruar 7.14 miliardë dollarë fonde nga një grup investitorësh duke përfshirë këtu bashkëthemeluesin e Oracle Corp dhe Sequoia Capital, Larry Ellison, për të financuar blerjen prej 44 miliardë dollarësh të Twitterit.
Investitori nga Arabia Saudite, princi Alwaleed bin Talal i cili fillimisht kishte kundërshtuar blerjen, ra dakord gjithashtu të ofronte një shumë prej 1.89 miliardë dollarësh.
Musk do të vazhdojë të mbajë bisedime me aksionerët ekzistues të Twitter, përfshirë ish-shefin e kompanisë Jack Dorsey.
Qatar Holding dhe Vy Capital me bazë në Dubai, gjithashtu një investitor në sipërmarrjen tjetër të Musk, The Boring Company, janë gjithashtu pjesë e grupit të investitorëve.
Reuters javën e kaluar raportoi se Musk ishte në bisedime me firma të mëdha investimi dhe individë që ofronin vlera të mëdha për më shumë financime për blerjen e Twitter.
Larry Ellison, një anëtar bordi në Tesla dhe një mik i ngushtë i i Elon Musk, ka dhënë 1 miliard dollarë për financimin.
