TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kukësi ka bërë detyrën dhe ka marrë tre pikë të artë në Elbasan, teksa mposhtën me rezultatin 3-1, Laçin. Verilindorët vuajtën jo pak gjatë sfidës, teksa u ndëshkuan të parët me anë të sulmuesit kurbinas, Nuabueze në minutën e 36-të. Ky i fundit nuk e pati të vështirë të shënonte nga fare pranë portës pas një pasimi të Grecës.
Ndërkohë, pak minuta më parë, nigeriani me pasaportë amerikane shpërdoroi një shans të pastër, teksa u neutralizua nga portieri Xhika. Ndërkaq, avantazhi i kurbinasve zgjati vetëm tre minuta pasi Kristal Abazaj shënoi për Kukësin në minutën e 39-të duke i dërguar të qetë në dhomat e zhveshjes. Ndërkohë, në fraksionin e dytë të sfidës Laçi iu afrua shumë golit, por ishin të pafat teksa në goditja e Deliut nga goditja e dënimit u ndal në tranversë.
Kjo duket sikur zgjoi Kukësin që më pas realizoi falë sulmuesit Shkurtaj (68'), i cili shfrytëzoi në maksimum pasimin nga Musta. Me kalimin e minutave verilindorët gjetën edhe golin e qetësisë me Et’hemin (79'). Kështu, përfundimisht Kukësi fitoi me rezultatin 3-1, teksa verilindorët kthehen në vendin e parë të klasifikimit ndërsa kurbinasit mbeten në vendin e tretë.
