SPORT, 22 Gusht 2020, 17:14

Kompletohen dy vazot e para të shortit të Champions, Inter mbetet në vazon e tretë

Kompletohen dy vazot e para të shortit të Champions, Inter mbetet

Me përfundimin e finales së Europa Leagues, ku Sevilla triumfoi ndaj Interit dhe u konfirmua si mbretëresha e këtij kompeticioni, janë kompletuar edhe dy vazot e para për shortin e Champions League.

Kështu në vazon e parë, përveç Sevillas fituese të Europa Leagues, bëjnë pjesë edhe Juventus, Real Madrid, Liverpool, Bayern Munich, PSG, Zenit dhe Porto.

Plot emra të mëdhenj është edhe vazoja e dytë, ku bëjnë pjesë skuadra si Barcelona, Atletico Madrid, dy skuadrat e Manchesterit, Borussia Dortmund, Shakhtar Donetsk, Chelsea dhe njëra mes Benficës e Ajaxit.

Në vazon e tretë janë konfirmuar njëra mes Benficës e Ajaxit, Lazio, Interi e Leipzigu, ndërsa të tjerat pritet të konfirmohen pas përfundimit të tureve eliminatore të këtij kompeticioni.