TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-kryeministri Sali Berisha ka publikuar në faqen e tij në “Facebook” një parodi polifonike të studentëve të Fakultetit të Inxhinierisë së Ndërtimit të ngujuar, kushtuar kryeministrit Edi Rama. Ata shihen teksa janë mbledhur para një furnele për t’u ngrohur gjatë natës.
“Një isopolifoni, perlë e studentëve të ngujuar për Edvin Kristaq Urrejtjen!”, shkruan Berisha.
Prej disa ditësh studentët e disa fakulteteve janë ngujuar brenda tyre në shenjë proteste për plotësimin e kërkesave të tyre të bëra të qarta që në ditët e para të dhjetorit 2018.
Ata nuk kanë lejuar të vijojë edhe mësimi rregullisht.
KËNGA E STUDENTËVE
Na tha ngelësa e na tha qen,
herë pengmarrës e herë qorra
gjë pa thënë nuk na ka lënë
dëgjoni ç’ka thënë i gjati
Herë na flet për edukatë,
o i gjati kryeministër
nesër do na thotë gomerë,
kërkon të na vërë kapistër
Jepi o Edvin kryetari
një për një të gjithë na shaj
ne të gjithë jemi fajtorë
vetëm ti nuk paske faj
S’jemi ngelës, s’jemi qenë
s’jemi dele siç do ti
për 8 pikat kemi dalë,
do t’i marrim nji për nji…
