TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministrja e Shtetit për Marrëdhëniet me Parlamentin, Elisa Spiropali i është përgjigjur deklaratës së Presidentit Ilir Meta, i cili u shpreh me ironi se. pas zgjedhjeve të 30-qershorit do të shpikë dekoratën ‘Heroi i votave socialiste”.
Në një status në rrjetet scoiale, Spiropali e quan Metën një figurë agresive ndaj Shqipërisë Evropiane të cilit i vë edhe epitetin "Salvador Haxhi Qametaj".
“Salvador Haxhi Qametaj e ktheu deri javën e kaluar figurën e Presidentit të Republikës në një agresor ndaj Shqipërisë Evropiane.
Ndërsa qëkur nisi disfata totale është kthyer në shëmbëlltyrën e mëshirueshme të atij që qesh kot se i duket se po sheh dritë në fund të tunelit, që në fakt është treni tjetër që po i vjen përballë,”– shkruan Spiropali në statusin e saj.
Presidenti Ilir Meta komentoi ditën e sotme zgjedhjet e 30 qershorit, në të cilat opozita nuk mori pjesë. Kreu i Shtetit u shpreh me ironi se, nuk ka asnjë suprizë nga tejkalimi i planit dhe se tanimë i duhet të shpikë edhe një dekoratë të re, atë të “Heroit të votave socialiste”.
