AKTUALITET, 27 Nëntor 2019, 12:58

Heroi i personave të plagosur/ Zjarrfikësi Luani që hoqi oksigjenin dhe iu rikthye punës: Asnjë gjë nuk kam (VIDEO)

Heroi i personave të plagosur/ Zjarrfikësi Luani që hoqi

Luan Kapaj është një nga zjarrfikësi që qëndroi me orë të të tëra në krye të detyrës për të ndihmuar njerëzit në nevojë pas tërmetit. Gjatë punës Urgjenca Kombëtare Shëndetësore, e detyroi të shtrihej mbi barelë, por Kapaj refuzoi maskën e oksigjenit dhe iu i rikthye punës. “Po të mos jesh ti mirë nuk ndërhyn dot njeri tjetër atje. Qetësohu”, ka qenë thirrjet mjekëve ndaj tij. Ky i fundit nuk ka pranuar por është ngutur nga barela ka pirë pak qumësht dhe i është rikthyer punës.
31 viktima, 650 të lënduar, 47 të shpëtuar, ky është bilanci i tërmetit të djeshëm që ka ngjallur panik tek të gjithë shqiptarët. Ende vijojnë kërkimet në Thumanë dhe Durrës pas tërmetit, pasi 25 persona janë ende të humbur. Mëngjesin e sotëm janë gjetur nën rrënoja të pajetë, Klement Çupi bashkë me babain e tij, Hajredin Çupi. Ndërsa në spitalin e Traumës, humbi jetën Sajmir Greku, 31-vjeç. Ndërkohë janë nxjerrë të pajetë nga rrënojat çifti Çelnike Greku dhe Pëllumb Greku, prindërit e Sajmirit.