TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas helmimit të 11 nxënësve sot në Bulqizë, ka reaguar edhe ish-deputetja e Partisë Demokratike, Dhurata Çupi e cila e quan ngjarjen si “skandal”.
Sipas saj, kjo qeveri nuk po kursen askënd madje as fëmijët që prindërit i çojnë në shkollë, por ata përfundojnë nga pakujdesia e institucioneve në spital.
Postimi i Çupit:
Skandal në Bulqizë, helmohen 11 fëmijë të shkollës “Shefqet Tançi”. Ngjarja e rëndë ka ndodhur paraditen e sotme ndërsa nxënësit e klasës së gjashtë po kryenin një eksperiment në laboratorin e shkollës.
Fëmijët janë dërguar në urgjencë duke u përballur me pasoja të rënda të helmimit. Për fatin e keq helmi i kësaj qeverie nuk po kursen askënd, as fëmijët të cilët prindërit i dërgojnë në shkollë e i përfundojnë në spital.
Duhet të merren masa urgjente për largimin e produkteve të tilla helmuese nga të gjitha shkollat në vend.
Të kryhet hetim i plotë nga organet kompetente për këtë ngjarje por edhe për procedurat që janë ndjekur për pajisjen e shkollave me këto produkte që u rrezikon shëndetin fëmijëve. Skenat që pamë sot me fëmijët e kësaj shkolle, janë tregues i papërgjegjshmërisë totale te autoriteteve përgjegjëse.
Fëmijëve të lënduar nga kjo ngjarje u uroj shërim të shpejtë si dhe prindërve të kenë durim për ta kaluar këtë moment. #tëzbardhetevërteta#fëmijëtjanëeardhmja#.
