TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia në Qipro gjeti një kufomë në një liqen të dielën, që beson se është viktima e pestë e të dyshuarit si vrasës serial që zhduku tre gra të huaja gjatë tre viteve dhe nuk qe zbuluar.
Zhytësit e nxorën trupin, që sipas disa burimeve ishte i një fëmije, nga një liqen në perëndim të kryeqytetit Nikosia, e njëjta zonë ku u gjet një grua e vdekur dhe e futur në një valixhe.
“Një trup i dekompozuar është gjetur. Nuk është i identifikueshëm dhe tani është dërguar për hetime të mëtejshme,”-shpjegoi Policia. Edhe kufoma e fundit e gjetur ishte gjithashtu në një valixhe, shtoi një tjetër zyrtar në vendin e ngjarjes.
Një kapiten ushtrie me 35 vjet karrierë është në burg që nga fundi i prillit me dyshimin se ka vrarë pesë gra dhe dy vajza të mitura të dy prej viktimave.
Agjensia e Lajmeve e Qipros, tha se Policia besonte se trupi në valixhe ishte i një fëmije.
Katër nga të vrarat mendohet se janë nga Filipinet, përfshirë një nënë dhe vajzën e saj. Një grua nga Rumania dhe vajza e saj tetëvjeçare si edhe një viktimë tjetër është vrarë po ashtu.
Policia tha se kishte dy rrëfime me shkrim nga i dyshuari si vrasës, se ai i kishte lënë takim online atyre grave. Shumica e atyre grave ishin punësuar si punëtore shtëpie dhe janë zhdukur në periudhën shtator 2016 dhe gusht 2018.
Kjo çështje ka shkaktuar zemërim dhe tmerr në Qipro, pasi këto raste përbëjnë mizoritë më të rënda ndaj grave në kohë paqe, në kujtesën e atyre që janë gjallë.
Të premten, Presidenti i Qipros shkarkoi Shefin e Policisë për mangësi të dukshme në hetimin e grave të zhdukura. Ky vendim pasoi dorëheqjen që kishte dhënë një ditë më parë Ministri i Drejtësisë.
Duke kontrolluar në një liqen pranë një miniere të braktisur, policia qipriotë zbuloi
trupin e fëmijës të dielën pasdite.
