TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një subjekt privat ka rënë pre e grabitjes këtë të dielë në qytetin e Patosit.
Të dhënat e para tregojnë se ngjarja ka ndodhur rreth orës tre të mëngjesit. Vetë pronari i subjektit, Medi Kurteshi për kamerat e News 24 ka zbuluar se kjo është hera e tretë që grabitet dhe se nuk ndihet i sigurtë.
Ai ka treguar se autorët kanë vjedhur dy automjete, një “Audi” e një “Land Rover”, 2800 euro dhe 60 000 lekë të reja, të gjitha në pronësi shtetasit në fjalë.
“Është hera e tretë që grabitemi. Natën binte shi dhe nuk kemi dëgjuar gjë. Kanë hyre nga dritarja rreth orës tre të mëngjesit. Çelsat e makinës ishin në kasafortë. E kanë shqyer dhe kanë marrë një sasi lekësh. Janë larguar të pashqetësuar. Kamerat e sigurise kanë qenë të hequra nga priza. Kur i pamë ishte fshirë gjithcka. Nuk ndjehemi të sigurt pasi banojmë edhe këtu lart. Ndjehemi si në mes të katër rrugëve.”, është shprehur Kurteshi.
