TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Turizmit dhe Mjedisit, Blendi Klosi ka reaguar për ngjarjen e ndodhur një ditë më parë në Vlorë, ku një grup turistësh spanjollë u rrahën nga pronari i lokalit.
Në një postim në Facebook, Klosi njofton se ka shkuar në resortin e Mihal Kokëdhimës, ku edhe ndodhi ngjarja.
Klosi shkruan se pushuesit dje përjetuan një eksperiencë konflikti, e cila nuk është pjesë e traditës shqiptare dhe mikpritjes tonë, por sipas tij një njeri i vetëm nuk përfaqëson Shqipërinë.
“Në mëngjes me familjen e pushuesve nga Spanja, që dje përjetuan një eksperiencë konflikti në Himarë, që nuk është as në traditën shqiptare të mikpritjes dhe as në kulturën tonë për trajtimin e miqve.
Por siç e tha edhe përfaqësuesi i familjes Galdon, një njeri i vetëm nuk përfaqëson Shqipërinë , sikundër vlerësoi reagimin e menjëhershëm të autoriteteve dhe interesimin e drejtpërdrejtë të qeverisë”, shkruan Klosi.
Një ditë më parë një grup turistësh spanjollë u rrahën nga pronarët e lokalit pasi ishin ankuar për shërbimin, pasi sipas tyre nuk ishte në lartësinë duhur.
Ata nuk kanë marrë asnjë përgjigje, por janë sulmuar. Sipas dëshmitarëve nga vendi i ngjarjes, mësohet se ata janë sulmuar dhe me armë të ftohta.
