Flet banorja që u dëmtua në protestë: Më kanë arrestuar djalin dhe burrin, Edi Rama drogaxhi dhe kriminel

Një nga banoret e Astirit, Lindita Protoduari, ka qenë e ftuar në emisionin "Të Paekspozuarit", ku ka rrëfyer ngjarjet e sotme në protestën përpara Kuvendit dhe bisedën me kryeministrin Rama në spital. Lindita tha se policia i ka sulmuar dhe se asaj i ka rënë të fiktë gjatë protestës. Më tej, ajo sqaroi se kryeministri Rama ka qenë në spital, por i ka thënë asaj, se gjendej aty për të takuar një police dhe jo atë, duke dëshmuar kështu një sjellje arrogante. Bashkëshorti dhe djali i zonjës Protoduari, janë arrestuar.

 

"Unë ndodhesha në rreshtin e tretë të protestuesve dhe policët kanë kaluar mbi trupin tim, më ka rënë të fiktë dhe nuk mbaj mend gjë.I bëj thirrje Edi Ramës, na ka futur djemtë nëpër burgje. Kam 28 vjet që paguaj taksa këtij shtetit. Po të mos i paguaj, kur jemi të paligjshëm sic thotë ky kryeministër drogaxhi, të mos na kërkojë taksa. Jemi qytetarë dhe jo shpellare. I bëj thirrje kryeministrit ti vërë gishtin kokës, sa nuk është vonë, sepse shtëpitë do ti mbrojmë me gjak. Unë kam qenë në spital, ai tregoi edukatën e vet. Më ka thënë kam ardhur për policen jo për ty. I thash që e kam për turp të vish për mua, ty kryeministër drogaxhi dhe kriminel." /TPZ.AL/