TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Armando Sadiku ka shënuar shumë gola në karrierën e tij, por këtë që realizoi sot me Luganon vështirë se do ta harrojë ndonjëherë, pasi ishte me të vërtetë i veçantë. Prej shumë muajsh ai ishte lënë në hije nga skuadra e Levante e më pas erdhi edhe dëmtimi i rëndë në gju, i cili për shumëkënd u interpretuar edhe si fundi i karrierës së sulmuesit shqiptar.
Por Sadiku vazhdon të tregojë se mund të kalojë sfida të vështira dhe me golin e shënuar sot ndaj Lucernës tregoi se po bën hapat e parë drejt kthimit në formën e tij më të mirë. Ndaj ishte e natyrshme që dërgimi i topit në rrjetë të sillte emocione te sulmuesi shqiptar, i cili nuk i mbajti dot lotët gjatë festimit të tij.
Ai u rrethua menjëherë nga shokët e skuadrës të cilët e përgëzuan për këtë gol të rëndësishëm, ndërsa Sadiku vazhdonte të përlotej, sigurisht për faktin se kishte lënë pas ndoshta momentin më të vështirë të karrierës së tij si futbollist.
