TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Xhani De Biazi mund të drejtojë përsëri futbollistë të përfaqësueses shqiptare, ose të paktën dy prej tyre. Trajneri i cili drejtoi Shqipërinë në EURO 2016, është një prej kandidatëve për të marrë drejtimin e Aris të Selanikut, pasi ky i fundit shkarkoi sot teknikun Pako Errera, si pasojë e një serie prej katër humbjesh radhazi në kampionat.
Pas një fillimi të mirë, skuadra ku luajnë Mërgim Mavraj dhe Migjen Basha pësoi disfata të njëpasnjëshme edhe si pasojë e eksperimenteve të shumta të teknikut, mes të cilëve edhe aktivizimi i Bashës si qendërmbrojtës. Ndaj sot u vendos shkarkimi i tij dhe në mediat greke, një nga emrat e parë që ka qarkulluar në klub është pikërisht ai i De Biazit.
Vetë De Biazi ndërkohë pretendon se nuk ka marrë ende asnjë kontakt direkt, por është gati të dëgjojë ofertën e klubit grek. “Unë e njoh Arisin, ai është një klub historik me shumë mbështetës në Selanik”, tha De Biazi për “gazzetta.gr”.”Dy ish-futbollistë të mi te Shqipëria, Mavraj dhe Basha luajnë atje. Ky është një projekt interesant dhe do ta diskutoja padyshim, por deri tani, askush nga klubi nuk më ka kontaktuar”, u shpreh trajneri rreth kësaj mundësie të re që i është shfaqur në karrierë.
