TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
"Negociatat me Shqipërinë do të përfundojnë shumë shpejt me sukses për 10 çështje të ngritura, përfshirë demarkacionin e kufijve dhe të zonave detare". Kështu ka deklaruar ministri i Jashtëm grek, Nikos Kotzias në fjalimin e tij me titull ”Parimet e politikës së jashtme greke: Theksi mbi stabilitetin në Europën Juglindore”.
Edhe kryeministri Aleksis Tsipras ka folur së fundmi për këtë çështje, duke theksuar se ecuria e negociatave është e mirë. Gjithsesi, ai la të kuptohet se marrëveshje e detit i është vendosur Tiranës si kusht për hapjen e negociatave.
“Negociatat po vijojnë në nivel ministrish dhe ecuria e tyre është e mirë. Sigurisht që është bërë e qartë se Greqia do të mbështetesë kapitujt e hapjes së negociateve për anëtarësim vetëm nëse vendi ynë fqinj do të përmbushë angazhimet e marra”, ka deklaruar Tsipras.
Kryeministri grek tha se i referohej kufijve detare, teksteve shkollore, varrezave të ushtarëve greke në Shqipëri, duke theksuar si shumë të rëndësishme reformat në lidhje me të drejtat e pakicës greke në Shqipëri.
Sa i përket çështjes çame, Tsipras tha: “Dikush po përpiqet ta fusë këtë çështje nga dritarja. Por kjo çështje nuk ekziston.”
