TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ai zbriti nga trageti që vinte nga Livorno me 6 kilogram kokainë të fshehur në pjesën e pultit të makinës, në të cilën udhëtonte me bashkëshorten e tij dhe vajzën pesëvjeçare.
Nëse lënda narkotike do të shitej në treg, ata do të kishin fituar 1 milion e gjysmë euro.
43 vjeçari shqiptar me iniciale O.B, banues në Emilia Romagna, u arrestua në portin e Golfo Aranci nga karabinierët e njësisë operative të Olbia-s në Itali.
Policia po kryente kontrolle të zakonshme në portin Gallura, kur nisi dyshimet tek shqiptari për shkak të nervozizmit të tij kundër kontrollit.
Pas kësaj, ata shoqëruan makinën deri në ambientet e policisë me tre personat në bord. Atje, makina u kontrollua tërësisht, dhe pas çmontimit të pjesës së “airbag-t”, u gjetën 6 kg kokainë dhe 16 gram heroinë.
Bashkëshortja e tij 38 vjeçare me origjinë rumune u la e lirë, duke marrë me vete edhe vajzën 5 vjeçare.
