TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Skuadra e PSG-së është gati të ofrojë 70 milionë euro për të marrë mesfushorin boshnjak të Juventusit, Miralem Pjanic, lajmin e konfirmon e përditshmja italiane “Corriere Dello Sport”, sipas së cilës skuadra kampione e Francës është pranë marrëveshjes me 29-vjeçarin. Për të mbyllur gjithçka, PSG ofron një shumë të majme, që duket se ka bindur të gjitha palët.
Kjo nuk është hera e parë që skuadra e presidentit Nasser Al-Khelaifi është interesuar për Pjanic. Gjithsesi, këtë herë “sulmi” për të marrë mesfushorin boshnjak është konkret, pasi ka edhe një shifër konkrete: 70 milionë euro.
Kjo shumë e lartë vjen edhe për faktin se për Pjanic është interesuar edhe Real Madrid, por duket se PSG është në "pole” për një arsye të vetme: Francezët i ofrojnë boshnjakut një fanellë si titullar, gjë që skuadra “merengues” nuk e ofron dot. Duket se Juventusi nuk është kundër këtij transferimi, duke parë ofertën e mirë që ka ardhur.
