TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pasgoditjet vazhdojnë të tronditin Turqinë, ndërkohë që shumë banorë kanë mbetur në qiell të hapur. Një tjetër tërmet i ri është regjistruar në Turqinë qendrore pak para orës 18:00 të pasdites. Sipas Institutit Euro-Mesdhetar, tërmeti ishte me magnitudë 5.6 të shkallës Rihter dhe kishte një thellësi fokale prej 10 km.
Epiqendra e tërmetit ndodhet në zonën detare 195 km në veriperëndim të rajonit të Adanas.
Ndërkohë, presidenti turk Rexhep Tajip Erdogan përsëriti sot angazhimin e qeverisë për të ndërtuar shtëpi të reja për viktimat e tërmetit brenda një viti, duke thënë se puna e ndërtimit kishte filluar tashmë.
“Filluam punën për ndërtimin e nevojshëm të qyteteve tona. Në pak muaj do të fillojmë ndërtimin e 309 mijë shtëpive. Ne ju kërkojmë të jepni një vit kohë për këtë”, tha Erdogan, duke folur nga provinca Kahramanmaras.
Lidhur me dhënien e ndihmës financiare, Erdogan tha se “po u japim 100 mijë lira të afërmve të qytetarëve tanë të vrarë në tërmet për nevojat e tyre urgjente. Po paguajmë 10 mijë lira për secilin nga qytetarët tanë që janë prekur nga fatkeqësia”.
