TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Marina ruse zhvilloi stërvitje në detin e Zi për të praktikuar ndalimin dhe shkatërrimin e anijeve në zonat e kufizuara për lundrim. Stërvitja u krye pak ditë pasi Moska deklaroi se çdo mjet që do të vijë apo do të dalë nga portet ukrainase do të konsiderohet objektiv ushtarak.
Lëvizja në fjalë u prezantua si një përgjigje ndaj sulmeve ndaj urës së Krimesë, që sipas autoriteteve ruse u kryen nga dronë nënujorë.
Kërcënimet për të vendosur bllokadën erdhën gjithashtu në përfundim të afatit të marrëveshjes së grurit, në kuadër të të cilës ishte lejuar kalimi i mjeteve lundruese.
Nga ana e saj, pala ukrainase ka deklaruar se do të vazhdojë eksportet përmes detit pavarësisht kërcënimeve ruse dhe ka kërkuar patrullim ndërkombëtar në detin e Zi.
Ndërkohë, në një reagim të fundit, presidenti turk Erdogan ka deklaruar se do të bisedojë me homologun rus Putin për akordin e grurit, duke shprehur bindjen se do të garantohet vazhdimi i tij.
