TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mohammed Hamza, oficer i programit për Islamin Relief, ishte në qytetin sirian të Idlibit kur tërmeti me magnitudë 7.8 goditi vendin në orët e para të së hënës.
Sipas mediave të huaja, ai ka përshkruar një ndjenjë pafuqie ndërsa muret lëviznin brenda shtëpisë së tij të katit të pare, ndërsa fëmijët e tij flinin aty pranë.
“Unë u zgjova rreth orës 4 të mëngjesit me ndërtesën time duke shkuar sa majtas dhe djathtas,” tha zoti Hamza.
“Unë shkova menjëherë në dhomën e fëmijëve të mi dhe u ndala para tyre. Nuk mund të bëja asgjë sepse tërmeti ishte shumë, shumë i fortë. U ndala para fëmijëve të mi që flinin dhe prisja vdekjen tonë, të gjithë ne.
“Unë ndalova, nuk mund të bëja asgjë”, vijon ai.
Zoti Hamza tha se ai nuk ishte në gjendje të lëvizte familjën e tij kur tërmeti ishte në vazhdim, pasi lëkundjet ishin shumë të forta.
Ai shtoi se vala e parë e tërmetit, për të cilin tha se zgjati rreth 40 sekonda, “iu duk sikur zgjati disa vite”.
Pasi mbaroi, babai u largua nga ndërtesa me fëmijët dhe gruan e tij.
“Kam gjetur qindra, mijëra njerëz në rrugë. Të gjithë po bërtasin. Shumë prej tyre humbën fëmijët e tyre, gratë dhe burrat e tyre.
“Të gjithë po bërtasin dhe po përpiqeshin të gjejnë një vend të sigurt”, shtoi ai.
Hamza tha se ai e çoi familjen e tij në një “vend më të sigurt” në fshatin perëndimor të Aleppos.
“Sapo mbërrita, gjeta dhjetëra ndërtesa të shkatërruara totalisht në këtë fshat”, tha ai. “Qindra ishin nën rrënoja. Të gjithë po përpiqeshin të bënin diçka.”
Kujtojëm se nga tërmeti shkatërrimtar që goditit Turqinë dhe Sirinë, rreth 3 mijë persona kanë humbur jetën deri në këto momente, një numër që pritet të rritet në vazhdim, pasi mijëra njerëz janë ende nën rrënoja.
