TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Egjiptit Abdel Fattah al-Sisi ka rënë dakord të hapë kalimin Rafah në kufirin e tij me Gazën për të lejuar deri në 20 kamionë ndihma.
Lajmi vjen pas vizitës së presidentit amerikan Joe Biden në Izrael.
Presidenti i SHBA tha se dorëzimi i ndihmave mund të fillojë të arrijë nga e premtja.
Por nuk është përmendur fakti nëse njerëzit do të lejohen të largohen nga Gaza përmes Rafahut.
I pyetur nga gazetarët, Biden tha: “Ne do t’i nxjerrim njerëzit jashtë, por nuk do të hyj në asnjë detaj me ju tani”.
Turma njerëzish dhe kamionësh që transportonin ndihma janë rreshtuar në vendkalimin mes Gazës dhe Egjiptit, në pritje të rihapjes së tij.
Izraeli ka thënë se nuk do të pengojë dërgesat e ndihmave për sa kohë që furnizimet nuk arrijnë te militantët e Hamasit.
Kalimi Rafah është pika më jugore e daljes nga Gaza dhe kufizohet me gadishullin Sinai të Egjiptit.
Zakonisht, nuk është e lehtë për palestinezët të largohen nga Gaza nëpërmjet Rafahut. Ata që dëshirojnë duhet të regjistrohen tek autoritetet lokale palestineze deri në katër javë përpara dhe mund të refuzohen nga autoritetet palestineze ose egjiptiane me pak shpjegime.
Rafah është tani e vetmja pikë kalimi për ndihma humanitare, pasi Izraeli mbylli pikat e tjera në Rripin e Gazës.
Palestinezët janë mbledhur në vendkalimin Rafah me shpresën për t’u larguar përpara një ofensive tokësore të pritshme izraelite. OKB-ja ka vendosur gjithashtu ushqime dhe furnizime mjekësore në pikën kufitare duke u përgatitur për hapjen e saj.
Kryeministri i Mbretërisë së Bashkuar Rishi Sunak pritet të mbërrijë në Izrael të enjten, ku do të takohet me homologun e tij Benjamin Netanyahu dhe Presidentin Isaac Herzog.
Grupi militant palestinez Hamas fajësoi Izraelin për shkatërrimin në spitalin Al Ahli në Gaza të martën, por ushtria izraelite thotë se shpërthimi vdekjeprurës u shkaktua nga një raketë palestineze që shpërtheu gabimisht. Biden ka mbështetur pretendimet e Izraelit.
