TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti rus ka thënë se anëtarët e grupit mercenar Wagner financoheshin plotësisht nga shteti. Sipas Vladimir Putin, Wagner-it iu dhanë 86.262 miliardë rubla ( rreth 1 miliard dollarë) vetëm nga maji 2022 deri në maj 2023 për paga dhe shpërblime, të cilat erdhën nga Ministria e Mbrojtjes dhe buxheti i shtetit.
Revolta e ushtrisë private të shtunën tronditi Rusinë. Udhëheqësi i saj, Yevgeny Prigozhin, mbërriti në Bjellorusi të martën pasi ra dakord të largohej nga Rusia. Ardhja e tij u konfirmua nga udhëheqësi bjellorus Alexander Lukashenko. Më parë, një avion privat i lidhur me Prigozhin u gjurmua duke u ulur në Minsk, kryeqyteti i Bjellorusisë.
Rebelimi i tyre më vonë u ndërpre pasi u arrit një marrëveshje me ndihmën e Lukashenkos.
Autoritetet ruse thanë se Wagner do të çarmatoset, por anëtarët e tij do t'i shpëtojnë ndjekjes penale për rebelimin e tij jetëshkurtër.
“Ne gjithmonë i trajtuam me shumë respekt luftëtarët dhe komandantët e këtij grupi, sepse ata vërtet treguan trimëri dhe heroizëm,”- tha Putin.
Ai tha se autoritetet do të shqyrtojnë se si janë shpenzuar paratë e paguara për Wagner dhe udhëheqësin e tij.
Përgatitjet janë duke u zhvilluar që grupi të dorëzojë armët dhe pajisjet e tij të rënda ushtrisë ruse.
Sipas shërbimit të sigurisë FSB, akuzat penale janë hequr gjithashtu kundër atyre që morën pjesë në kryengritje. Anëtarët e Wagner po përballeshin me ndjekje penale për kryengritje të armatosur, por çështja është mbyllur sepse kryengritësit nuk kishin kryer në të vërtetë një krim.
"Luftëtarët e Wanger ose do të duhet të bashkohen me ushtrinë e rregullt, të shkojnë në shtëpi ose të nisen për në Bjellorusi,"- tha Putin të hënën, duke shtuar se luftëtarët ishin kryesisht "patriotë" të cilët ishin mashtruar në një aventurë kriminale.
Lukashenko tha se Bjellorusia nuk ka filluar të ndërtojë asnjë kamp për anëtarët e grupit, por do t'i strehojë ata nëse dëshirojnë.
Trajtimi i mercenarëve është në kontrast të dukshëm me trajtimin e politikanëve dhe aktivistëve të opozitës, shumë prej të cilëve janë në burg thjesht për të folur kundër luftës në Ukrainë. Aktivisti i opozitës Vladimir Kara-Murza, për shembull, po vuan 25 vjet burg për tradhti. Prigozhin ka mbrojtur veprimet e tij, duke këmbëngulur se revolta nuk ishte menduar të ishte një sfidë për udhëheqjen e Putinit. Përkundrazi, ai e përshkroi atë si një përpjekje për të shpëtuar grupin e tij mercenar nga zhytja në ushtrinë ruse dhe për të ekspozuar dështimet e udhëheqjes ushtarake të vendit.
