TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vladimir Putin ka pohuar se kryengritja e shefit të Wagner Yevgeny Prigozhin ishte “e destinuar të dështonte” dhe tha se vendi tregoi “unitet përballë një rebelimi të pabesë”.
Në një fjalim të paplanifikuar televiziv natën vonë të hënën vonë, një Putin dukshëm i zemëruar tha:
“Çdo shantazh apo mënyrë për të shkaktuar konfuzion në Rusi është e dënuar me dështim… Unë ndërmora hapa për të shmangur gjakderdhjen në shkallë të gjerë”, tha ai.
Në daljen e tij të parë publike që kur Prigozhin u tërhoq nga kryengritja e tij e armatosur të shtunën në mbrëmje, presidenti rus falënderoi luftëtarët dhe komandantët e Wagner-it, për të cilët tha se kishin shmangur gjakderdhjen.
Pa përmendur emrin e Prigozhin, Putin tha se organizatorët “tradhtuan vendin e tyre, popullin e tyre”.
Ai tha se armiqtë e Rusisë “dëshironin që ushtarët rusë të vrisnin njëri-tjetrin, të vrisnin personelin ushtarak dhe civilët, në mënyrë që në fund Rusia të humbiste dhe shoqëria jonë të ndahej, të mbytej në grindje të përgjakshme civile”.
