TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shtëpia e Bardhë mohon çdo përfshirje në një sulm të supozuar me dron në Kremlin.
“Ne nuk kishim asnjë lidhje me këtë”, tha zëdhënësi i këshillit të sigurisë kombëtare, John Kirby për MSNBC
Më herët u raportua se zëdhënësi i Kremlinit, Dmitry Peskov kishte bërë pretendimin pa ndonjë argument se SHBA-ja qëndronte pas incidentit.
Ai tha se Rusia e di se “vendimet për sulme të tilla terroriste merren në Washington” dhe se Kievi “thjesht i zbaton këto vendime”.
Peskov shtoi se “Washingtoni qëndron padyshim mbrapa këtij sulmi, ne jemi të vetëdijshëm për këtë”, megjithëse nuk ofroi asnjë provë për të mbështetur pretendimet e tij.
Kirby që mohoi pretendimet e zëdhënësit të Kremlinit, përsëriti se Washingtoni nuk i mbështet apo i fal sulmet nga Ukraina jashtë kufijve të saj.
“Ne kemi qenë të qartë me ta publikisht dhe kemi qenë të qartë me ta privatisht se ne nuk i inkurajojmë dhe as nuk iu mundësojmë atyre të kryejnë sulme jashtë Ukrainës”, potencoi zëdhënësi amerikan.
