TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Plagoset në malin Çikës në Vlorë një alpiniste 31-vjeçare pasi u rrëzua nga një lartësi e pacaktuar.
Vajza ka marrë disa plagë në trup. Ajo ishte pjesë e një grupi prej katër personash që kryenin ecje në mal.
Për shkak se ndodhej rreth katër orë larg nga rruga kryesore, transportimi i saj me makinë për në spital ka qënë thuajse i pamundur.
E ndodhur në këto kushte, në ndihmë i ka ardhur helikopteri i Qendrës Kombëtare të Urgjencës Mjekësore (QKUB), i cili ka rrezikuar shumë, pasi helikopterë të tillë e kanë të vështirë manovrimin në terren të ulët dhe thepisur.
Pas disa peripecish, vajza ka arritur të futet në helikopter dhe të transportohet për në spital. Mësohet se gjendja e saj mjekësore është e qëndrueshme dhe ndodhet jashtë rrezikut për jetën.
