TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas mbledhjes së Këshillit Kombëtar të Partisë Demokratike, ish-kryeministri Sali Berisha ka dalë në një komunikim me mediat.
Berisha u shpreh se zgjedhjet ishin një dënim me vdekje dhe farsë e Edi Ramës. Berisha akuzoi Ramën si një “monstër” e pluralizmit dhe që është sot njeriu më i urryer nga shqiptarët.
“Shporrjen e monstrës së pluralizmit, Edvin Kristaq Ramës dhe narkoshtetit të tij.
Vlerat e demokracisë, të groposur në 30 qershor, do të rivendosen sa më shpejtë. Thirrja ime për qytetarët shqiptarë të vazhdojnë betejën.
Akt mençuror i PD-së që nuk u bë pjesë e farsës së narkoshtetit në 30 qershor. Është jetike që opozita të qëndrojë e papërlyer dhe besnike e vlerave dhe jo fasadë e një regjimi më të urryer që kanë patur shqiptarët deri më sot. Zgjedhjet janë të dënuara me vdekje. Ato ishin një farsë, nuk ishin zgjedhje", – tha ish-kryeministri.
I pyetur nëse opozita do marrë pjesë në zgjedhjet e 13 tetorit, Berisha u shpreh: Dekreti i Presidentit të Republikës është në fuqi.
Ai nuk mund të gjykohet nga narko-KQZ apo narko-gjykatat. Dekreti i Presidentit mund të gjykohet vetëm nga Gjykata Kushtetuese.
Vendimet i takojnë drejtuesve të Partisë Demokratike dhe jo Sali Berishës.
