TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i opozitës Lulzim Basha, ish-kryeministri Sali Berisha dhe ish-presidenti Bujar Nishani së bashku me deputetët e PD-së, kanë zhvilluar ditën e sotme Homazhe tek varrezat e dëshmorëve.
Pas Homazheve kreu i PD, Basha tha për mediat se dita e sotme është një ditë e veçantë ku çdo shqiptar përulet me nderim të madh para Skënderbeut, Ismail Qemalit, shqiptarëve që luftuar për çlirimin dhe komandantit Adem Jashari.
Sipas tij dita e sotme është një ditë ftese për çdo shqiptar për tu bashkuar në betejën për të luftuar për lirinë ashtu siç e parashikon kushtetuta.
Urimi i Bashës:
Gëzuar nga zemra gjithë shqiptarëve në ditën e flamurit dhe atë të çlirimit.
Sot përulemi para Skënderbeut flamuri kuq e zi që u ngit në shtëpinë e tyre në 28 Nëntor 1443, përulemi para Ismail Qemaliut, përulemi para Ushtrisë Nacional Çlirimtare që u flijuar për çlirimin, përulemi para komandantit Legjendar Adem Jashari i cili ka ditëlindjen sot. E konsideroj ditën e sotme si një ditë ftese për të gjithë shqiptarët në një betejë për të garantuar liritë e tyre siç shkruhet në kushtetutë.
