TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Greqia pas zjarreve duket se po përballet me shira të dendur të cilët kanë shkaktuar përmbytje dhe probleme në shumë zona.
Mediat e huaja shkruajnë se deri më tani për shkak të përmbytjeve ka humbur jetën një person.
Situata më e rëndë duket në Volos dhe në Magnez. Përmes videove të publikuara shihet vërshimi i madh i ujit në rrugët e zonës së Volos.
Viktima nga moti i keq është një blegtor 51-vjeçar i cili humbi jetën në zonën e Agios Georgios në Ano Volos, kur u shtyp nga një mur ngjitur me shtëpinë e tij që u shemb për shkak të vëllimit të madh të ujit.
Në të njëjtën kohë, ka informacione për një tjetër person të zhdukur 34 vjeç në zonën e Volosit, makina e të cilit u përfshi nga një përrua në zonën e Agia Ekaterinës.
